Lehiaketaren oinarriak

ARABAKO IKUSKIZUNAK XI. Argazki Lehiaketa EL CORREO EGUNKARIAK antolatutako lehiaketa bat da, Arabako Foru Aldundiaren babesarekin, eta haren helburua da gai honen inguruan jasotako 12 argazki onenak saritzea:  Argazkiek Araban aterata egon behar dute eta iraunkortasuna nabarmendu dezatela baloratuko da, gure baso, parke natural, gune babestu, flora, fauna, monumentu edo Araba modu iraunkorrean hazten ari dela islatzen duen beste edozein agerlekuren ingurumen- eta paisaia-aberastasuna isla dezatela.

Oinarrien onarpena

Parte-hartzea onartu eta lehiaketa honetan izena ematen dutenek oinarri hauek onartu eta errespetatu beharko dituzte, argazkiak aurkezten dituzten unetik bertatik, baita antolatzaileak horien inguruan egiten duen interpretazioa ere.

Parte-hartzaileak

Lehiaketan doan eman ahal izango da izena; 18 urte baino gehiago eduki behar dira eta nahi duten pertsona guztiek parte hartu ahal izango dute, enpresa antolatzaileko langileek eta haien senitartekoek izan ezik.

Lan kopurua

Parte-hartzaile bakoitzak gehienez ere 3 argazki aurkeztu ahal izango ditu lehiaketan.

Formatua eta neurriak

Argazkiek formatu horizontala eduki behar dute eta koloretan edo zuri-beltzean izan daitezke. Parte-hartzaileek formatu digitalean bidaltzea erabaki dezakete, horretarako prestatutako inprimakiaren bidez, edo, bestela, paperean, betiere ondorengo baldintzak betez:

- Formatu digitalean: irudiak JPEG formatuan bidali beharko dira. Fitxategiak bereizmen handikoa izan beharko du: irudi bakoitzaren alderik handienak gutxienez 30 cm eduki beharko ditu (hau da, 3543 pixel) eta hazbeteko 300 puntuko bereizmena. Argazkien moldaketa orokor bat egitea baimenduko da, baina horien konposizio originala aldatuko duen elementurik ezingo da gehitu edo ezabatu. Zalantzarik izanez gero, edo egiaztatzeari begira, fitxategi originala eskatu ahal izango da.

- Paperean: igorritako argazkiek 20 x 30 cm-ko tamaina izan behar dute eta egilearen datuekin identifikatuta egon behar dute: izen-abizenak eta harremanetarako telefonoa (ahal dela, mugikorra), eta lehiaketara aurkeztutako argazkia non atera den. Datu horiek jasotzen ez dituzten argazki guztiak lehiaketatik kanpo geratuko dira automatikoki.

Argazkiak lehiaketara bidaltzea

Argazkiak online bidaltzen badira, beharrezkoa izango da EL CORREOn erregistratuta egotea eta webgune honetan horretarako prestatutako inprimakia erabiltzea.

Postaz bidaltzea aukeratuz gero, berriz, argazkiak El Correo egunkariaren Dendara bidali beharko dira (Florida kalea 18, 01005 Vitoria-Gasteiz), eta gutun-azalean Arabako Ikuskizunak Argazki Lehiaketa idatzi beharko da erreferentzia gisa.

Lanak aurkezteko epea

Materialak aurkezteko epea azaroaren 8an amaituko da. Epe horretatik kanpo iristen diren lan guztiak ez dira lehiaketarako onartuak izango

Epaimahaiaren osaera eta erabakia

EL CORREO EGUNKARIAK izendatutako pertsona batzuek osatutako epaimahai batek aukeratuko ditu saria jasoko duten argazkiak, eta epaimahaikide horiek erabakiko dute zein diren bidalitako irudi guztien artetik artean onenak.

Epaimahaiaren erabakia apelaezina izango da eta EL CORREO egunkarian eta www.elcorreo.com webgunean argitaratuko da azaroaren 18an.

Epaimahaiaren ustez behar adina kalitate duen lanik aurkezten ez bada, sariak eman gabe geratu ahal izango dira.

Sariak

Sariak eskudirutan emango dira, eta honako hauek izango dira:

1. saria: 1.000 €
2. saria: 500 €
3. saria: 250 €
4.etik 12.era bitarteko sariak:100 €

Saria jasotzen duten hamabi argazkiak EL CORREO 2024 egutegian argitaratuko dira.

Sari guztiak besterenezinak dira eta indarrean dagoen zerga-legediaren mende daude; beraz, legez ezarritako atxikipenak egingo dira horien gainean, eta parte-hartzaileek berariaz onartuko dute hori.

Argazkien gaineko eskubideak

Lehiaketan parte hartzen duten pertsona guztiek aitortzen dute lehiaketara bidalitako argazkien egileak eta ustiapen-eskubideen titularrak direla, eta EL CORREO EGUNKARIARI eta ARABAKO FORU ALDUNDIARI doan lagako dizkiete lehiaketara bidalitako argazkiak hedatzeko, banatzeko, publikoki jakinarazteko, kopiatzeko eta ustiatzeko eskubide guztiak. Horrenbestez, EL CORREO EGUNKARIAK eta ARABKO FORU ALDUNDIAK nahiz bankuak publikoki eta doan ezagutarazi eta argitaratu ahal izango dituzte. Horiek argitaratzen dituenean, EL CORREO egunkariak parte-hartzailearen izen-abizenak bakarrik adieraziko ditu, inolako baldintzarik gabe, eta parte-hartzaileari inolako ordainik eman beharrik gabe. Ondorio horiei begira, parte-hartzaileek beren onespena ematen diote bai EL CORREO EGUNKARIARI eta ARABAKO FORU ALDUNDIARI, argazki bakoitza eta beren izenak informazio- nahiz promozio-materialetan agertu daitezen, inprimatuak izan nahiz digitalak izan, baita sare sozialetan ere. Parte-hartzaile bakoitzak bere gain hartuko du agiri honetan jasotako lagapenean aipatzen den argazki-materialak erabiltzeak eragin dezakeen edozein erreklamazioren gaineko erantzukizun osoa, baita lehiaketara bidalitako argazkiak erabiltzeagatik DIARIO EL CORREO SAren eta ARABAKO FORU ALDUNDIAREN aurka aurkeztutako edozein balizko erreklamazioren ondorio guztien gainean ere, obraren gaineko eskubideak dituztenek eta argazkietan ager daitezkeen hirugarrengoek egin ditzaketen erreklamazioak barne. Horrenbestez, parte-hartzaile bakoitzak hitzematen du kalte orotik salbuetsiko dituela DIARIO EL CORREO SA, eta ARABAKO FORU ALDUNDIA eta BANCO, aipatutako argazkiak erabiltzearen ondorioz erreklamazioren bat egiten bada.

Parte-hartzailearen bermeak

Oinarri hauek onartuz gero, parte-hartzaileak adierazten du eta bermatzen du bera dela argazkien egile materiala, originalak direla eta ez dizkiola hirugarren bati plagiatu edo lapurtu. Bide batez, aitortzen du parte hartzeko erabili duen argazkian agertzen diren pertsona identifikagarrien berariazko eta zalantzarik gabeko onespena duela, eta halaber, Lehiaketan parte hartzeko bidali duen argazkiaren edo bidali dituen argazkien gaineko eta/edo argazkian ageri diren edukien gaineko jabetza intelektualaren eta industrialaren eskubide, irudi-eskubide eta/edo beste edozein eskubideren titularren partetik beharrezko baimen guztiak jaso dituela.

Edonola ere, lehiaketara aurkeztutako argazkien egileak bere gain hartuko du agiri honetan jasotako lagapenean aipatzen den argazki-materialak erabiltzeak eragin dezakeen edozein erreklamazioren gaineko erantzukizun osoa, baita Diario El Correo, S.A.ren aurka eta/edo Lehiaketaren babesleen aurka aurkeztutako edozein balizko erreklamazioren ondorio guztien gainean ere, argazkietan ager daitezkeen hirugarrengoek egin ditzaketen erreklamazioak barne.

Argazkietan adingabeak agertzen badira, parte-hartzaileak berariaz aitortuko du adingabeen aitaren, amaren edo tutorearen baimena duela haiek argazkietan ager daitezen eta irudi horiek argitaratuak izan daitezen.

Bere aldetik, EL CORREO EGUNKARIAK beretzat gordeko du legearen aurkakoak edo beste erabiltzaile batzuentzat iraingarritzat jotzen dituen argazkiak baztertzeko eskubidea.

Pribatutasun Politika

Parte-hartzaile guztiek aitortzen dute El Correo egunkariaren pribatutasun-politika ezagutzen eta onartzen dutela, eta hori honako esteka honetan kontsultatu daiteke: https://www.vocento.com/politica-privacidad

Beste ohar batzuk

  • Lehiaketa honetara aurkeztutako argazkietatik bakar bat ere ez da itzuliko.
  • Oinarri hauetan jasota ez dagoen edozein ustekabekoren inguruan erabaki ahal izango du epaimahaiak.
  • Epaimahaiaren iritziz nahikoa kalitatea duen lanik aurkezten ez bada, sariak eman gabe geratu ahal izango dira.
  • Lehiaketaren oinarriak Espainiako Legediaren mende daude. Parte-hartzaileak, legokiekeen foruari berariaz uko eginez, Vitoria-Gasteizko Epaitegi eta Auzitegien mende jarriko dira, erator litekeen edozein desadostasun ebazteko.